म्हाराँ री गिरधर गोपाल दूसराँ णाँ कूयाँ

राग झिंझोटी

म्हाराँ री गिरधर गोपाल दूसराँ णाँ कूयाँ।

दूसराँ णाँ कूयाँ साधाँ सकल लोक जूयाँ।।टेक।।

भाया छाँड्याँ, बन्धा छाँड्या सगाँ सूयाँ।

साधाँ ढिंग बैठ बैठ, लोक लाज खूयाँ।

भगत देख्याँ राजी ह्ययाँ, जगत देख्याँ रूयाँ।

अँसुवाँ जल सींच सींच प्रेम बेल बूयाँ।

दध मथ घृत काढ़ लयाँ डार दया छूयाँ।

राणा विषरो प्यालो भेज्याँ पीय मगण हूयाँ।

मीराँ री लगण लग्याँ होणा हो जो हूयाँ।।16।।