हे मा बड़ी बड़ी अँखियन वारो, साँवरौ मो तन हैरत हँसिके ।। टेक।।
भौंह कमान बाण बाँके लोचन, मारत हियरे कसिके।
जतन करो जन्तर लिखि बाँधो, ओखद लाऊँ घसिके।
ज्यों तोकों कुछ और बिथा हो, नाहिन मेरो बसिके।
कौन जतन करों मोरी आली, चन्दन लाऊँ घसिके।
जन्तर मन्तर जादू टोना, माधुरी मूरति बसिके।
साँवरो सूरत आन मिलावो ठाढ़ी रहूँ मैं हँसिके।
रेजा रेजा भयो करेजा अन्दर देखो घँसिके।
मीराँ तो गिरधर बिन देखे, कैसे रहे घर बसिके। ।। 7 ।।
